នាថ្ងៃទី១៥–២៤ ខែមីនា ឆ្នាំ២០២២ មន្ទីរសាធារណការ និងដឹកជញ្ជូន ខេត្តសៀមរាប បន្ទាយមានជ័យ កែប កំពង់ធំ ក្រចេះ រតនគិរីស្ទឹងត្រែង ត្បូងឃ្មុំ តាកែវ កំពង់ស្ពឺ បាត់ដំបង ព្រះវិហារ រាជធានីភ្នំពេញ បានបន្តអនុវត្តកិច្ចការងារដោយយកចិត្តទុកដាក់ថែទាំលើផ្លូវថ្នល់ជាតិនៅតាមបណ្តាខេត្ត មានដូចជាផ្លូវជាតិលេខ៣៣A លេខ៥ លេខ៥៦ លេខ៥៩ លេខ៦ លេខ៦២ លេខ៧២ លេខ៧៨លេខ៧៨–៥ លេខ៨ លេខ៩ ក៏ដូចជាផ្លូវមួយចំនួនទៀតដែលបានខូច ក្លាយជាជង្ហុកសំបុកមាន់ ត្រូវបានជួសជុលថែទាំផងដែរ។

សកម្មភាពចុះអនុវត្តកិច្ចការងារនេះគឺក្នុងន័យធ្វើយ៉ាងណាជួយសម្រួលដល់ការធ្វើដំណើររបស់បងប្អូនប្រជាពលរដ្ឋកាន់តែមានភាពងាយស្រួល ជួយដល់ការដឹកជញ្ជូនទំនិញឆ្លងកាត់ ចំណេញពេលវេលា ចំណាយថវិកា ព្រមទាំងបង្កើននូវសោភណ្ឌភាពតាមដងផ្លូវថែមទៀតផងដែរ៕