កំពង់ឆ្នាំង: ប្រភពពីប្រជាពលរដ្ឋ រស់នៅក្នុង ភូមិ ស្វាយបាកាវ និង ភូមិ តាជេស ឃុំ តាជេស ស្រុក កំពង់ត្រឡាច ខេត្ត កំពង់ឆ្នាំង បានបញ្ជាក់ឲ្យដឹងថា ក្រុម អ្នកញៀន ល្បែងបញ្ជាល់មាន់តាមអនឡាញ ស៊ីសង ខុសច្បាប់ចំនួន០២ទីតាំងកំពុងបើកលេងយ៉ាងអណាធិបតេយ្យដោយគ្មានខ្លាចញញើតច្បាប់៖

ទីតាំងទី០១ នៅក្នុង ភូមិ ស្វាយបាកាវ ឃុំ តាជេស ស្រុក កំពង់ត្រឡាច ខេត្ត កំពង់ឆ្នាំង។

ទីតាំងទី០២ នៅក្នុងភូមិ តាជេស ឃុំ តាជេស ស្រុក កំពង់ត្រឡាច ខេត្ត កំពង់ឆ្នាំង តើ លោក មេ ប៉ុស្តិ៍ ដឹង ដែរ ឬ ធ្វើ មិនដឹង ។

ពលរដ្ឋបានឲ្យអ្នកសារព័ត៌មានយើង ដឹងថា គឺបើកលេងល្បែងបញ្ជល់មាន់តាមទូរទស្សន៍នេះជា ប្រចាំ តែមិនឃើញលោក អធិការនគរបាលស្រុក កំពង់ត្រឡាច ចាត់វិធានការបង្រ្កាបនោះឡើយ។

មជ្ឈដ្ឋានខាងក្រៅ ! និង ពលរដ្ឋ រិះគន់ចំៗទៅលេី លោក
អធិការ ដ្ឋាននគរបាលស្រុក កំពង់ត្រឡាច ដែលកំពុង កាន់តំណែង មិនទាន់ចាត់វិធានការបង្រ្កាប ល្បែងបញ្ជាល់មាន់ទូរទស្សន៍ ក្នុងដែនដីរបស់ខ្លួន ឲ្យស្របតាមគោលនយោបាយ ភូមិ ឃុំ មានសុវត្ថិភាព ៧ចំណុចដែលដាក់ចេញ ដោយក្រសួងមហាផ្ទៃនោះទេ ។

ហេតុនេះហើយ ទេីបប្រជាពលរដ្ឋ រស់នៅក្នុង  ស្រុក កំពង់ត្រឡាច ខេត្ត កំពង់ឆ្នាំង អំពាវនាវដល់  លោក ឧត្តមសេនីយ៍ទោ តេង ចាន់ណាតស្នងការនគរបាលខេត្ត កំពង់ឆ្នាំង និងលោក អធិការស្រុក កំពង់ ត្រឡាច មេត្តាជួយចាត់មន្ត្រីក្រោមឱវាទចុះត្រួតពិនិត្យទីតាំង ល្បែង បញ្ជល់មាន់តាមអនឡាញផងទាន  ដើម្បីលុបបំបាត់នៅមន្ទល់សង្ស័យ ក៏ដូចជាការរិះគន់របស់ពលរដ្ឋក្នុងមូលដ្ឋាន កុំអោយមានការយកច្រលំថាការកើតមានល្បែងអស់នេះ ជាការបើកដៃរបស់អាជ្ញាមូលដ្នាន។

អង្គភាពសារព័ត៌មានយេីងនិងរងចាំការបកស្រាយបំភ្លឺ ភាគីពាក់ព័ន្ធរៀងរាល់ម៉ោងធ្វើការតាមរបបសារព៍ត៌មាន៕

𒊹ទំនាក់ទំនងផ្ដល់ព័ត៌មាន

តាមរយៈ ☏Tel:070 762 868