ជនសង័្សយម្នាក់ត្រូវបានឃាត់ខ្លួនបន្ទាប់ពីធ្វើសកម្មភាពលួចទូរស័ព្ទដៃ
កាលពីថ្ងៃ សៅរ៍៩រោចខែផល្គុនឆ្នាំឆ្លូវត្រីស័ក ព.ស.២៥៦៥ ត្រូវនឹងថ្ងៃទី២៦ ខែមីនា ឆ្នាំ២០២២ នៅចំណុចក្រុមទី០១ភូមិព្រៃកូនសេកសង្កាត់អូចារ ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបងបានដឹកនាំកម្លាំងផ្នែកជំនាញឃាត់ខ្លួនជនសង័្សយឈ្មោះប៊ុតវណ្ណថូ ភេទប្រុស អាយុ៤០ឆ្នាំមានទីលំនៅស្នាក់ផ្ទះជួលភូមិកាប់គោថ្មី សង្កាត់អូរចារ ក្រុងបាត់ដំបង ទាក់ទងនឹងករណីលួចយកទូរសព្ទ័ដៃរបស់អ្នកដទៃ។
សូមជម្រាបជូនថា កាលពីថ្ងៃកេីតហេតុទី២៦ខែមីនាឆ្នាំ២០២២វេលាម៉ោង១៣នង១៥នាទីមានករណីអំពើលួចមួយកើតឡើងនៅត្រង់ចំណុចក្រុមទី០១ភូមិព្រៃកូនសេក សង្កាត់អូចារ ក្រុងបាត់ដំបង ខេត្តបាត់ដំបងដែលករណីនេះបង្កដោយជនសង័្សយឈ្មោះប៊ុត វណ្ណថូ ភេទប្រុស អាយុ៤០ឆ្នាំមានទីលំនៅស្នាក់ផ្ទះជួលភូមិកាប់គោថ្មី សង្កាត់អូរចារ ក្រុងបាត់ដំបង បានលួចទូរសព្ទ័ ជនរងគ្រោះឈ្មោះវ៉ាន់ ជា ភេទប្រុស អាយុ៧៩ឆ្នាំមានទីលំនៅភូមិព្រៃកូនសេក សង្កាត់អូរចារ ក្រុងបាត់ដំបង។
–ទូរស័ព្ទបាត់បង់ម៉ាករ៉េតមីចំនួន០១គ្រឿង។
នៅពេលដឹងថាបាត់ជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលក្រុង ហេីយភ្លាមៗសមត្ថកិច្ចបានស្រាវជ្រាវនិងឃាត់ខ្លួនសាកសួរព្រមទាំងដកហូតទូរស័ព្ទមកប្រគល់ជូនជនរងគ្រោះវិញ។
ជនសង័្សយនគរបាលបានរៀបចំសំណុំរឿងបញ្ជូនមកការិយាល័យជំនាញអនុវត្តតាមនិតិវិធី ច្បាប់៕(រូបភាពនគរបាលក្រុងបាត់ដំបង)By kosal!@@@